მასწავლებლის ეროვნული ჯილდოს მფლობელი ბოლნისის პირველი საჯარო სკოლის მასწავლებელი თინათინ ფრუიძე გახდა.

,,სამაყროს საიდუმლოების შეცნობის სხვადასხვა გზა არსებობს. ზოგი მათზე პასუხს წიგნებში ეძებს, ზოგი ვარსვლავებში, ზოგიერთი კი ზღვის ტალღებში. თინიკო მასწავლებელი კი ამ საიდუმლოს გასაღებს ქიმიის გაკვეთილებში ხედავს. ერთი ჩვეულებრივი ლაბორატორია მის ხელში სამყაროს კარიბჭედაა გადაქცეული. "

საქართველოს განათლების, მეცნიერებისა და ახალგაზრდობის მინისტრმა გივი მიქანაძემ 27 ოქტომბერს, მასწავლებლის ეროვნულ დღეს მასწავლებლის ეროვნული პრემიის გამარჯვებულები დააჯილდოვა. განათლების სისტემისა და საზოგადოების განვითარებაში შეტანილი განსაკუთრებული წვლილისთვის 2025 წლის მასწავლებლის ეროვნული პრემია და ფულადი ჯილდო გადაეცა სულხან-საბა ორბელიანის სახელობის ქალაქ ბოლნისის პირველი საჯარო სკოლის ქიმიის მასწავლებელს თინათინ ფრუიძეს.

საქართველოს მთავრობის მხარდაჭერით, მასწავლებლის ეროვნული დღე ყოველ წელს ქართველი პედაგოგის, მეცნიერული პედაგოგიკის ფუძემდებლის, პუბლიცისტის, საბავშვო მწერლისა და საზოგადო მოღვაწის, იაკობ გოგებაშვილის დაბადების დღეს, 27 ოქტომბერს აღინიშნება. ამასთან, ყოველწლიურად ამ დღეს ღვაწლმოსილ პედაგოგებს გადაეცემა მასწავლებლის ეროვნული პრემია – სამკერდე ნიშანი და ფულადი ჯილდო 10 000 ლარი.

მასწავლებლის ეროვნული დღისა და პრემიის დაწესება საზოგადოებაში პედაგოგების როლის ხაზგასმას და მათ დაფასებას ემსახურება. ამ მიზნით, განათლების, მეცნიერებისა და ახალგაზრდობის სამინისტროს მიერ დადგენილი კრიტერიუმების შესაბამისად, ქვეყნის მასშტაბითიკრიბება იმ მასწავლებელთა ისტორიები, რომლებსაც განსაკუთრებული წვლილი შეაქვთ მოსწავლეების, სასკოლო საზოგადოებისა თუ თემის განვითარებაში. დასკვნით ეტაპზე წლის საუკეთესო ათ მასწავლებელს სპეციალურად დაკომპლექტებული კომისია გამოავლენს.

FB: ბოლნისის პირველი საჯარო სკოლა

საქართველოს განათლების, მეცნიერებისა და ახალგაზრდობის სამინისტრო