უდიდესი წარმატება!

სიახლეები

უდიდესი წარმატება!

სულხან-საბა ორბელიანის სახელობის ქალაქ ბოლნისის N1 საჯარო სკოლაში ქიმიის პედაგოგის თინათინ ფრუიძის ხელმძღვანელობით 2016 წლის ოქტომბრიდან ფუნქციონირებს ,,ნორჩ ნატურალისტთა’’კლუბი. ამჟამად მასში გაწევრიანებულია საბუნებისმეტყველო საგნებით დაინტერესებული VIII-XI კლასის 18 მოსწავლე. ,,ნორჩ ნატურალისტთა'' კლუბის მისიაა: მოსწავლეებს გაუწიოს მეგზურობა ქიმიისა და ბიოლოგიის მეცნიერებათა ლაბირინთში; დაეხმაროს სირთულეების დაძლევასა და ცოდნის კრიტიკულ შეფასებაში. კლუბის მუშაობა დაფუძნებულია წევრთა შორის თანამშრომლობაზე.

ილიას სახელმწიფო უნივერსიტეტისა და კოპერნიკის სამეცნიერო ცენტრის მიერ გამოცხადებულ კონკურსში „საუკეთესო ახალგაზრდა მკვლევართა კლუბი-2016 წლის ოქტომბრიდან 2022“ მონაწილეობდა ,,ნორჩ ნატურალისტთა'' კლუბის რვა მონაწილე: ნინო ჩაჩანიძე, ლიზი ტატიშვილი, უჩა დარსალია, ელენე ბჟალავა, ოთო ინაძე, ანა ჯანაძე, კახა გიგინეიშვილი, მარიამ ღუღუნიშვილი.

კონკურსზე კლუბის მონაწილეებმა წარადგინეს პროექტი ,,ნაცარტუტა'', რომელიც წარმოადგენს ეკოლოგიურად სუფთა სარეცხ საშუალებას და კვლევითი სამუშაოს ამსახველი ვიდეო რგოლი.

ჟიურის გადაწყვიტილებით, კონკურსის პირობებისა და კრიტერიუმების გათვალისწინებით, პირველ ადგილი დაიმსახურა სსიპ სულხან-საბა ორბელიანის სახელობის ბოლნისის პირველი საჯარო სკოლის პროექტმა "ნაცარტუტა - სარეცხი საშუალება".

მკვლევართა კლუბი "ნორჩი ნატურალისტები" მიიღებს მონაწილეობას ვარშავის სამეცნიერო პიკნიკში (პოლონეთი, 2023 წელი, მაისი). პროექტის ამსახველი ვიდეო კი ნაჩვენები იქნება კოპერნიკის სამეცნიერო ფორუმზე, რომელიც ა.წ. 17-18 ნოემბერს ვარშავაში გაიმართება."

08/11/2022