უდიდესი წარმატება!

სიახლეები

წიგნისა და იდეატორთა კლუბები

ილიას სახელმწიფო უნივერსიტეტის განათლების სკოლამ USAID საბაზისო განათლების პროგრამის მხარდაჭერით განახორციელა პროექტი, რომლის მიზანია დაწყებითი კლასის მოსწავლეებში წიგნიერებისა და მათემატიკური აზროვნების, ასევე მათში 21-ე საუკუნის ისეთი მნიშვნელოვანი უნარების განვითარება, როგორიცაა კრიტიკული და შემოქმედებითი აზროვნება, პრობლემის გადაჭრა, საკუთარი სწავლის პროცესის მართვა და სხვა. ამ უნარების განვითარება უნდა მოხდეს როგორც საგაკვეთილო პროცესში, ასევე გაკვვეთილების მიღმა. პროექტის ფარგლებში, სხვა მრავალ აქტივობასთან ერთად, სკოლებში დაარსდა წიგნისა და იდეატორთა კლუბები.

ქვემო ქართლის რეგიონში სულ შეირჩა 10 საუკეთესო სკოლა. მათ შორის შერჩეული იყო ჩვენი სკოლაც. კლუბების მუშაობას ხელმძღვანელობდნენ ჩვენი სკოლის მასწავლებლები და ილიას სახელმწიფო უნივერსიტეტის მასწავლებლის მომზადების გამორჩეული სტუდენტები. კლუბების მუშაობას კონსულტაციებს უწევდნენ ილიას სახელმწიფო უნივერსიტეტის პროფესორები და საბავშვო მწერალი ირმა მალაციძე.

კლუბების ფარგლებში განხორციელდა მოსწავლეებში წიგნიერებისა და ციფრული უნარების განვითარებაზე ორიენტირებული სახალისო აქტივობები. მათ თავად შექმნეს საკუთარ ხელნაკეთი წიგნები. შემდეგ კი მათ მიერ შექმნილი წიგნები გააციფრულეს.

2023 წლის 18 ივნისს გაიმართა მოსწავლეების მიერ შექმნილი ხელნაკეთი და ინტერაქტიური წიგნების გამოფენა-პრეზენტაცია ილიას სახელმწიფო უნივერსიტეტში, სადაც მოსწავლეებმა თავად წარადგინეს საკუთარი ნამუშევრები. ყველა მოსწავლე დაჯილდოვდა სიგელებითა და საჩუქრებით.

https://www.facebook.com/bolnisispirveliskola/posts/pfbid0Wu5y2uQyFpHiR1eA2XGAjj2cAzUBGWzpbfZZ4a9A6H1ymeP9mML6q9QUwHGPTSoUl

18/06/2023