უდიდესი წარმატება!

სიახლეები

სასკოლო სპორტული ოლიმპიადა 2024-ის რეგიონალური შეხვედრა ფრენბურთში

ქალაქ რუსთავში სასკოლო სპორტული ოლიმპიადა 2024-ის რეგიონალური შეხვედრა გაიმართა ფრენბურთში, სადაც გამარჯვებული ბოლნისის პირველი საჯარო სკოლის გოგონათა გუნდი გახდა. მათ რეგიონულ ტურში შეხვედრა რუსთავის მეცამეტე სკოლის გუნდთან მოუწიათ. დაძაბული და საინტერესო ფინალი, მწვრთნელის, მარინა ქობულაძის მომზადებულმა გუნდმა გამარჯვებით დაასრულა.

მეორე ადგილიც ბოლნისის პირველი სკოლის ბიჭების გუნდმა დაიკავა. სასკოლო სპორტული ოლიმპიადა რამდენიმე ეტაპისგან შედგება, გამარჯვებულ გუნდს ზონალურ და საქართველოს მასშტაბით გამართულ შეხვედრებში მოუწევს მონაწილეობა.

განათლების, მეცნიერებისა და ახაალგაზრდობის სამინისტროს, საქართველოს კულტურისა და სპორტის სამინისტროს, საქართველოს ეროვნული ოლიმპიური კომიტეტის, სამხარეო ადმინისტრაციებისა და მუნიციპალიტეტების ადგილობრივი თვითმმართველობითი ორგანოების შესაბამისი სამსახურების მხარდაჭერით, მთელი ქვეყნის მასშტაბით, ტარდება საქართველოს სასკოლო სპორტული ოლიმპიადა 2023-24-ის თამაშები, სადაც ჩართულია საქართველოს 1700-ზე მეტი სკოლის 100 000-მდე მოსწავლე სპორტის 7 სახეობაში. პროგრამის მიზანია მოზარდი თაობის ჩართვა სპორტულ თამაშებსა და სხვა ფიზიკურ აქტივობებში.

ოლიმპიადა შედგება მუნიციპალური, რეგიონული, აღმოსავლეთ და დასავლეთ საქართველოს თამაშებისა და დასკვნითი ეტაპებისგან.

05/03/2024